అడుగేద్దాం.. అడిగేద్దాం

2023-03-07 08:23:11.0

https://www.teluguglobal.com/h-upload/2023/03/07/725912-adugu.webp

నిదురించే రేయిని అడుగు

స్వపాలను అప్పే ఇమ్మని

వికసించే కిరణాన్నడుగు

వెనుదిరగని శక్తే ఇమ్మని

కష్టించే మనిషిని అడుగు

సౌందర్యం మర్మం ఏదని

కదిలించే దృశ్యాన్నడుగు

విరితోటల వేణువు ఏదని

నిలదీసే నిజాన్ని అడుగు

దారెందుకు మరిచావంటూ

గతితప్పిన మనిషిని అడుగు

గల్లంతై పోయావెందుకని

బతిమాలే బతుకును అడుగు

నడకెందుకు మార్చావంటూ

బలవంతునిదో మాటల గారడి

బలహీనుడి బతుకే కార్చిచ్చు.

రేపేమో ఆశల దీపం

నేడేమో నీరస శస్త్రం

దిగులంతా దేవుడి కొదిలి

మనసే ఇక శుభ్రం చేసేయ్

-సి. యస్. రాంబాబు

CS Rambabu,Telugu Kavithalu