ఏమి పుణ్యము చేసేనో

2023-03-30 04:42:23.0

https://www.teluguglobal.com/h-upload/2023/03/30/728837-emi-punyamu-cheseno.webp

ఏమి పుణ్యము చేసేనో శబరి

తాను రుచి చూసిన పండు

శ్రీ రామునకు తినిపింపగ

ఏమి పుణ్యము చేసెనో కన్నడు

తన కన్ను పెరికి

శివుని కతికించిగ

ఏమి పుణ్యము చేసేనో బలి

వామనుడికి

మూడడుగుల దానమివ్వగ

ఏమి పుణ్యము చెసెనో కుచేలుడు

శ్రీ కృష్ణునకు

గుప్పెడు అటుకులు సమర్పించగ

ఏమి పుణ్యము చేసెనో వుడుత

శ్రీ రామ సేతువుకు

ఇసుక సాయ మందించగ

ఏమి పుణ్యము చేసెనో ఎలుక

గజాననుని వాహనమై

సర్వ జనుల పూజ లందుకొనగ

కొంచమైన చాలు నిర్మల భక్తి

నీరజాక్షుని కదియే బహు ప్రీతి

నిస్సంశయముగ నిచ్చు

భవ సాగర విముక్తి

-డా. కేతవరపు రాజ్యశ్రీ

Telugu Kavithalu,Ketavarapu Rajyasri,Rama Navami 2023