కష్టే ఫలి

2022-12-23 16:15:23.0

https://www.teluguglobal.com/h-upload/2022/12/23/432495-kashte-phali.webp

కష్ట సుఖాలు మానవ నైజం

సమస్య వస్తే

ధైర్యంతో పోరాడాలి

మనిషి క్రుంగిపోరాదు

తట్టుకోలేక మరణించరాదు

సమస్యకు చావు

పరిష్కారం కారాదు

పాటించు

మహాత్ముల సూచనలు

సాగించు

ధ్రైర్యంతో జీవన యాగం

కష్టానికి ఒకనాటికి

ఫలితం ఉంటుంది

నీవు బాధ పడకు

అందరినీ బాధించక

ముందుకు సాగిపో

విశిష్టమైన వ్యక్తిత్వం పొందు

నీ జీవితం

శోభాయమాన మవుతుంది

నీవు మరణించి

ఇల్లంతా దుఖమయం చేయకు

నీవు కష్టించి

నీ కుటుంబాన్ని కాపాడు

జీవితములో సుడిగుండాలు తొంగిచూసేటప్పుడు

నీవు తట్టుకున్నప్పుడే

సుఖం ఉంటుంది

బ్రతుకు బాటలో

వెలుగులు నింపు

నీ జీవన గృహాన్ని క

కాంతి మయం చేయి

నీ జీవిత రధాన్ని

సక్రమంగా నడిపించు

నీవు దర్జాగా

బ్రతికేరోజు వస్తుంది

అప్పటిదాకా వేచిఉండు

సమస్యలకు వెరవకు

సాహసమే జీవితం

అనే విషయాన్ని మరచిపోకు

ఓ మానవా !

తెలుసుకొని జీవించు.

డాక్టర్ . సరికొండ రమాదేవి

(సత్తెనపల్లి, పల్నాడు జిల్లా)

Sarikonda Ramadevi,Telugu Kavithalu