కాళోజీ కవిత..కర్షకా!

2023-09-09 05:56:05.0

https://www.teluguglobal.com/h-upload/2023/09/09/822260-karshaka.webp

నర్తకుని నాట్యాలు

గాయకుని గానాలు

వాదకుని వాద్యాలు

శిల్పకుని శిల్పాలు

చిత్రకుని చిత్రాలు

అంగనల అందాలు

కందర్పు కయ్యాలు

కవిరాజు కావ్యాలు

కర్షకా నీ కర్రు కదిలినన్నాళ్లే.

డాంభికుని తత్వాలు మాంత్రికుని మంత్రాలు తాంత్రికుని తంత్రాలు గురువుల గోప్యాలు గుడుగుడు గుంచాలు దేవుళ్ళ తిరునాళ్ళు

దివ్యనది తీర్ధాలు

కర్షకా! నీ కర్రు కదిలినన్నాళ్ళే.

ధార్మికుని దానాలు పండితుని భాష్యాలు

జ్యోతిషుని జోశ్యాలు

తార్కికునితర్కాలు

వర్తకుని వాజ్యాలు

వకీళ్ల వాదాలు

సైనికుని శౌర్యాలు యాంత్రికుని యంత్రాలు

యోధుల యుద్ధాలు

రాజుల రాజ్యాలు

కర్షకా! నీ కర్రు కదిలినన్నాళ్ళే.

(కాళోజీ ‘నా గొడవ’ నుండి.)

Kaloji Narayana Rao,Telugu Kavithalu,Karshaka