చీమ ( కవిత)

2023-05-21 12:24:52.0

https://www.teluguglobal.com/h-upload/2023/05/21/767887-chimma.webp

అనంత విశాల ప్రపంచం నీది

చిరు అత్యల్ప ప్రపంచం నాది

చీమను

ఎవరి కంటికీ కనిపించను

అపరిచిత లోకాలలో

అధో తలాలలో

నేల అడుగున

విపత్కర జగత్తులలో

సంచారం

పెద్ద ఆశలు లేవు

ధన సంపత్తి వెనకేసుకోవాలన్న

సంకల్పం లేదు

మహత్కాంక్షలూ లేవు

వంకాయి కూరతో

రెండు రొట్టెలు చాలు

అన్నంలోకి కాసింత చేపల పులుసు

చాలు

సాయంత్రం ఒక టీ కప్పు చాలు

ఒక చొక్కా ఒక ప్యాంటు

ఒక గది ఒక మంచం ఒక దీపం

ఒక ఫాను ఒక కుర్చీ ఒక కలం

ఒక పుస్తకం ఒక కొవ్వొత్తి ఒక అగ్గెపెట్టె

ఒక ప్లేటు ఒక గ్లాసు ఒక ముంత

ఒక నీళ్ళ కూజా

అనాచ్చాదిత శరీరం

పరిపక్వ మనస్సు దించని శిరస్సు

పరిశుద్ధ అంతరంగం

మృదు పరిమళ భరిత సువాచ్యం

నిత్య ప్రియమిత్ర సమాగం

అనాది కాలాల సత్యాన్వేషణ

ప్రజా పక్షం

మాయని గాయం

ఆగని గానం

అమరం

దుఃఖం ధూళి

భాష్ప నయనం రుద్ధ కంఠం

జ్వలిత వాక్యం

ఈ చిరు స్రోతస్సు

– విజయచంద్ర

Chima,Vijayachandra,Telugu Kavithalu