ధ్యేయం

2023-01-31 11:32:45.0

https://www.teluguglobal.com/h-upload/2023/01/31/721450-dhyeyam.webp

లక్ష్య సాధనే ధ్యేయమై..

బాధ్యతతో వేసే ప్రతి అడుగు,

భారమై బాధించినా….

లక్ష్యాన్ని చేధించిన క్షణాన,

అదో చిరస్మరణీయ

ఘట్టముగా,

నిలిచి పోవడం తథ్యం!!

నిబద్దతను ప్రశ్నించే

కఠినపరీక్షగా,

లక్ష్యసాధన మినహా…

మరో యోచనలేని ఆ నడకలో,

ప్రతి క్షణమూ అమూల్యమే!!

పూలతో సుస్వాగతాలు,

పదునైనరాళ్ళ గాయాలు

వెక్కిరింతల వెకిలి చేష్టలు,

మిశ్రమమై పరీక్షించే

ఆ పయనం,

ఓ వెలరహిత యజ్ఞం-!!

విజేతల వీరగాధలు,

పరాజతుల పరాభవాలు,

కడవరకు పోరాడలేని

అశక్తులు

తతిమ్మా అనుభవాలు

ఈ పయనానికి ఉపకరించే

విలువైన మైలురాళ్లు!!

– సాగర్ రెడ్డి (చెన్నై)

Sagar Reddy,Dhyeyam,Telugu Kavithalu