నా కవిత (కవిత)

2023-02-23 17:39:33.0

https://www.teluguglobal.com/h-upload/2023/02/23/724305-naa-kavitha.webp

నా ఆలోచనలు

కాలం తో జతకట్టి

నాతో కవిత్వం వ్రాయిస్తున్నాయి

నా మనసే కలమై

అనుభవాల పందిరిలో

సాహితీ సుమాలను

గుచ్చుతన్నాయి

అక్షరాలను ప్రోగు చేసుకుని

ప్రతి ఉద్విగ్న క్షణాన్ని ఎదుర్కొని

మానసిక సంవేదనలను

సందేశాలు గా చేసుకుని

కొత్త కొత్త పాఠాలు నేర్చుకొంటూ

జీవనానికి కొత్త భాష్యం చెబుతూ

భావాలకు అక్షరరూపం తెలియక

మనసు లోని సంఘర్షణ కు

సమాధానం చెప్పలేని స్థితిలో ఉన్నాను

మనిషి లో మార్పు రాదా

ఇగో ని వదల లేని మనుషులను

సాటి మనిషి ఎదుగుదలను

ఓర్వలేని మనుషులను

మార్చేదెవరూ

నా కవితలు…

నా భావప్రకటనలు

నేను చెప్పే నాకు తెలిసిన మాటలు

నా అనుభవాల జ్నాపకాలు

మార్చగలవా కొందరినైనా

నా కవిత

వర్తమాన ‌కడలిలో

ఎగసిపడే అలల

విజ్ఞానపు కెరటం

నా కవిత.

విశ్వ శాంతిని ఆకాంక్షించే

అక్షర కపోతం

నా కవిత

అవినీతి ఎదుర్కోగల

పాశుపతాస్త్రం

నా కవిత

పుడమి తల్లి క్షమాగుణాన్ని

అలంకరించుకున్న

అనురాగ వల్లి

నా కవిత

కళ్ళే వెంకటేశ్వర శాస్త్రి

(బెంగళూరు)

Na Kavitha,Telugu Kavithalu,Kalle Venkateswara Sastry