పాంచభౌతికం (కవిత)

2023-05-14 08:58:20.0

https://www.teluguglobal.com/h-upload/2023/05/14/763382-panchabutham.webp

ఓపిక నశించిన ప్రతిసారీ

నా మనసు ఆకాశంలో కురిసే వెన్నెలకై

ఎదురు చూస్తాను

నమ్మకం కోల్పోయిన ప్రతిసారీ

స్వేదబిందువులు నా కష్టాన్ని గుర్తుచేస్తాయి

నీరసపడిన ప్రతిసారి జఠరాగ్ని కార్చిచ్చులా

కర్తవ్యాన్ని గుర్తుచేస్తుంది

ఒంటరితనం వేధించిన ప్రతిసారీ

మట్టివాసన ఒంటినిండా ప్రవహిస్తుంది

ఆలోచన స్థంభించిన ప్రతిసారీ

గాలి తరగలు నూతనత్వాన్ని సిద్ధింపచేస్తాయి

పంచభూతాలన్నీ పరవశాల గీతాలై

నన్నల్లుకుంటే

వేకువ సూరీడు వేదపారాయణమై దీవిస్తుంటే

కడిగిన ముత్యమై జీవనం కొత్త పయనానికి స్వాగతమంటుంది

-సి.యస్.రాంబాబు

Telugu Kavithalu,CS Rambabu