పువ్వు

2023-01-10 08:06:05.0

https://www.teluguglobal.com/h-upload/2023/01/10/434655-puvu.webp

నేను కాసిన్ని నీళ్లను

వాగ్దానం చేశాను

తను నాకు చల్లని సాయంత్రాన్ని

బహూకరించింది

నేను

జానెడు జాగానిచ్చాను

తను నా హృదయం

తట్టే స్పందన చూపింది

నేను ఇంత

మన్నే వేశాను

తను పువ్వై నవ్వి

త్యాగం నేర్పింది

కొన్నిసార్లు ________

– దేవనపల్లి వీణావాణి

కొన్నిసార్లు…

ఆగిపోవడం అంటే

ముళ్లకంపను తప్పుకోవడం

తెలుసుకోవడం అంటే

కలత రాకుండా మసలుకోవడం

మరచిపోవడం అంటే

మరకల్ని గుట్టుగా దాచుకోవడం

పడిపోవడం అంటే

ఒడ్డుకు ఈవల జారిపోవడం

నిలబడడం అంటే

తనవారంటూ లేనప్పుడు

తడబడక పోవడం…!

తలపడడం అంటే

తల పండేదాకా

కాలానికి తలూపడం…!!

– దేవనపల్లి వీణావాణి

Devanapalli Veenavani,Puvvu,Telugu Kavithalu