2023-01-15 15:59:14.0
https://www.teluguglobal.com/h-upload/2023/01/15/435424-army-day.webp
2020 లో ఆర్మీ డే సందర్భంగా వ్రాసినది
మనిషి మరణించాక
మరిచిపోయిన మంచినంతా
మూటగట్టి మూలధనం దానం చేసినంత ముచ్చటగా … మూర్తీభవించిన మానవతతో మిగిలినోళ్ళ కళ్ళు తుడిచి
గౌరవ పురస్సరంగా
ప్రదానం చేసే పురస్కారమే
ఈ ఎవార్డ్
అదే … బతికున్నప్పుడంతా
పెద్ద బూరెల గంప ఆ మనిషి వచ్చి పడటం కోసమే ఎదురుచూస్తున్నట్టూ
ఆ మనిషి తినబోయే రొట్టె
ఏదో ఒకనాడు విరిగి నేతిలో పడే అవకాశమున్నట్టూ …
కోతలు కోసి, శ్రమ దోపిడీ చేసి అప్పుడప్పుడూ కుక్క బిస్కెట్ల లాంటి పనికిమాలిన తాయిలాలిచ్చి తైతక్కలాడించడం
ఒక ప్రాక్టికల్ క్రూడ్ జోక్
మేషాండ భ్రమే అని తెలిసినా
ఆశ గా ఎదురు చూడటం మానవుడి లోని నక్క నైజం
పాపం ఆ ఆశల పల్లకిలో
డోలలాడుతూ భవిష్యత్తు లో ఎపుడో భోగభాగ్యాలతో తులతూగుతానని కలల్లో ఓలలాడుతూ … ఇవ్వాళ మరణించడానిక్కూడా సిద్ధపడ్డ సైనికుడూ, కార్మికుడూ, మానధనుడూ, అభిమానధనుడూ …
ఆ జానెడో, బానెడో పొట్టకోసం పడే ఆరాటం, చేసే పోరాటం
ఆ మరణానంతర మర్యాదల కోసమేనా ?
కాకపోవచ్చు…
అవమానాలని దిగమింగి “అయ్య గారి” అవాకులకి చవాకులకీ కేవలం బతుకుతెరువు కోసం జైకొట్టేవాడు ఆర్డర్లీ అయినా …ఆఫీసరైనా
అది హృదయపూర్వకం కాదు
హి ఈజ్ ఎ హంగ్రీ హార్స్
డోంట్ ఎక్స్పెక్ట్ హిమ్
టు విన్ ద రేస్ …
ప్లేజ్ ఫీడ్ హిమ్ …
ఆశలని ఆదరించు
అనుభవాన్ని అక్కునచేర్చుకో అవసరానికి ఆధారమవ్వు
ఆత్మగౌరవాన్ని అభినందించు
అవమానించడాన్ని విసర్జించు
లేకుంటే
ఆ రక్షకుడే భక్షకుడయ్యే ప్రమాదముంది
సైనికుడుదీ ఉద్యోగమే
ఊడిగం కాదు
నీ పరువూ, నీ దేశ గౌరవం నిలబెట్టడానికి ముందు నిలబడే బలశాలిని బలహీనుడనుకుంటే
నీ తలబరువుకే బలైపోతావ్
ఆ త్యాగమూర్తి పెట్టిన శాపాలకి తగలడిపోతావ్
పదోన్నతైనా, పతకమైనా
పైసలైనా, పరమవీరచక్ర అయినా …
పదుగురికీ చెప్పుకునే లా ఉసురున్నప్పుడే ఇచ్చెయ్
పోయాక ఇచ్చే పోస్త్యుమస్ ఎవార్డులు ఆర్చవూ, తీర్చవూ
ఆత్మలకు శాంతినివ్వవు
– సాయి శేఖర్
Saye Sekhar,Posthumous award,Telugu Kavithalu,Army Day
