మట్టి తల్లి (కవిత)

2023-07-17 17:47:37.0

https://www.teluguglobal.com/h-upload/2023/07/17/796330-matti-thali.webp

మౌనంగా చీకట్లో

నమ్మి తపస్సు చేసే

చిన్న విత్తును

మహావృక్షం గా

మార్చగల శక్తి మట్టిది!!

అన్నింటినీ అమ్ముకుంటూ

ఆడంబరంగా బతికే తీరు నచ్చకmm

కృషిని ప్రేమించమనే

మనసు మట్టిది!!

ఋతువుఋతువు కీ

ఆరోగ్యాన్నిచ్చే ఫలాలనిచ్చి

ఆనందాన్నిచ్చే పూలను తెచ్చి..

కంటికింపైన దృశ్యాలతో

కట్టి పడేసి..

యుగయుగాలుగా

కన్నీళ్ళు తుడిచి,

దిగులుపోగొట్టే మనసు మట్టి ది!!

మట్టి లో ఆడుకునే పాపాయి

ఇసుకలో కట్టే పిచ్చికగూళ్ళు

సంబరాల-

అంబరమెక్కించటమే కాదు,

భావి హర్మ్యాల హరివిల్లు ని

పరిచయం చేస్తుంది!

కిలకిలా నవ్వుతూ

కలకలలాడే పిల్లల్ని

రంగులపూలమొక్కలుగా

ఎలా మురిపెంగా పెంచాలో

మట్టి తల్లి

మరీ మరీ చెప్తోంది కదా!?

– డా.వేమూరి.సత్యవతి.

Vemuri Satyavathy,Telugu Kavithalu,Matti Thalli