మధురము రామ నామము

2023-03-29 11:45:06.0

https://www.teluguglobal.com/h-upload/2023/03/29/728767-rama-navami-2023.webp

మధురము

నీ నామమే రామా

మదినిండా

నెరపుకొందు రామా

మనిషిగ మహి

వెలసిన రామా

మానవ ధర్మము

నెరపినావు రామా

మహి అసురుల

మర్ధించి నీవు రామా

మహితాత్ముడవయినావు

రామా … !

చైత్రశుద్ధ నవమిన

వెలసిన ఓ రామా

చైతన్యమూర్తి వే

నీవు రామా

విశ్వామిత్రుని వెంట

నడచి రామా

అడవుల యాగములే

కాచినావు రామా

మిథిలా పురికి నడచి నీవు

సీతను పరిణయ మాడి రామా

సీతారాముడ వైనావు

రామా … !

అయోధ్య ఆశల

హరివిల్లు వై రామా

ఇక్ష్వాకుల కీర్తి

నిలిపి నావు రామా

సూర్య వంశ

శౌర్యవుడవై రామా

ఇన కుల

తిలకుడవైనావు రామా

ఇల ధర్మము

నెరపిన నీవు రామా

దశరథతనయుడవై రామా

దశ దిశల మెరసినావు రామా

నీ నామ గానమున

గోపన్న రామా

రామదాసుడై

ఖ్యాతి నొందె రామా

నీ నామ కీర్తనముల

త్యాగయ్య రామా

ఇల శాశ్వత కీర్తి

నొందె రామా

నీ నామ ఫలమున

గద రామా

హనుమ చిరంజీవి

అయినాడు రామా

వెరసి నీ నామమే

మా రాతల రామా

శ్రీకారపు చుట్ట యాయె రామా !

రమ్యము

నీ నామము రామా

భవ్యము

నీ గుణములు రామా

నవ్యము

నీ నడతలు రామా

రామాయణ చరిత మాయె రామా

నీ నామ జపము చేసి

శివుడు రామా

పరమశివుడే

అయినాడు రామా

వెరసి నీ నామమే గదా

రామా

జగతికి తారక మంత్రమాయె

రామా…!

– కె.వి.యస్. గౌరీపతి శాస్త్రి

Rama Namamu,KVS Gauripati Shastri,Telugu Kavithalu,Rama Navami 2023,Sri Rama Navami,Telugu Devotional Stories