మళ్ళీ అనుక్షణికాలు

2023-04-03 11:41:12.0

https://www.teluguglobal.com/h-upload/2023/04/03/729432-mali.webp

1

ఎంత దూరమో

నీకు తెలీదు మాట్లాడే దాకా-

లోతు దిగుడు బావిలో కూడా

నీళ్ళు తోడుకుంటాను

కాసింత చేద దొరికితే-

ఇప్పటిదాకా వున్న మోడే

అందమైన తోడు అనుకుంటాను

చివరెక్కడో చిగురాకు నీడ చూసి-

2

మాటల్లేక

మనం ఎడారిదిబ్బలం.

చిర్నవ్వుల్లేక

మనం కురవని మబ్బులం.

3

వొక్క మాట కురిసిందా,

మనసంతా విరగ్గాసిన

పంట చేను-

~ అఫ్సర్ ( పెన్సిల్వీనియా )

Telugu Kavithalu