మాట కన్నా…(కవిత)

2023-06-25 12:02:29.0

https://www.teluguglobal.com/h-upload/2023/06/25/788272-mata-kana.webp

ఒక్కో సారి

మాట కన్నా మౌనమే

మేలనిపిస్తుంది

అందరూ ముసుగు మనుషులే

మనసు విప్పి మాట్లాడే వారే

లేరనిపిస్తుంది.

మనిషి ముందు ఓ మాట

మనిషి వెనుక ఓ మాట

నోరు మాట్లాడు తుంటే

నొసలు వెక్కిరించే మాట

నీ దగ్గర ఓ మాట

నా దగ్గర ఓ మాట

చిన్న కైతే ఓ మాట

పెద్ద కైతే ఓ మాట

బలవంతునికి ఓ మాట

బలహీనుడికి ఓ మాట

ధనవంతునికి ఓ మాట

దరిద్రునికి ఓ మాట

ఆడకైతే ఓ మాట

మగకైతే ఓ మాట

మాట ముందు ఓ మాట

మాట వెనుక ఓ మాట

మాట మార్చే మాట

మనిషి మనిషికీ మారే మాట

అందుకే ఒక్కోసారి

మాట కన్నా …

మౌనమే మేలనిపిస్తుంది

కోడూరి తిరుమల మాధవి

Koduri Tirumala Madhavi,Telugu Kavithalu,Mata Kanna