2024-11-17 06:19:18.0
తెలంగాణకు కాంగ్రెస్ తరతరాల దరిద్రం : కేటీఆర్‌
https://www.teluguglobal.com/h-upload/2024/11/17/1378528-ktr-rahul.webp
రాహుల్‌ జీ.. అంబానీ, అదానీలపై మీ పోరాటం బూటకమని.. తెలంగాణకు కాంగ్రెస్ పార్టీ తరతరాల దరిద్రమని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ మండిపడ్డారు. రాహుల్‌ గాంధీ భూసేకరణకు వ్యతిరేకంగా మాట్లాడుతోన్న వీడియోను కేటీఆర్‌ తన ఎక్స్‌ ఎకౌంట్‌ లో పోస్ట్‌ చేశారు. రాహుల్‌ జీ.. మీరు భూసేకరణకు వ్యతిరేకంగా స్వరం వినిపిస్తే ఏం లాభం.. అదానీ, అంబానీలపై విరుచుకుపడితే ఏం ప్రయోజనం.. దేశవ్యాప్తంగా భూసేకరణపై మీ రణ గర్జన… తెలంగాణలో భూసేకరణను ఎందుకు అడ్డుకోలేకపోయిందని ప్రశ్నించారు. కొడంగల్ రైతుల కన్నీటికి ఎందుకు కారణభూతమైందని నిలదీశారు. అదానీ, అంబానీలపై మీ జంగ్ రామన్నపేటలో అదానీ ఫ్యాక్టరీకి ఎందుకు ద్వారాలు తెరిచిందని, తెలంగాణను కాంగ్రెస్ పార్టీనే పాలిస్తున్నప్పుడు ఎందుకు అభ్యంతరం చెప్పడం లేదని ప్రశ్నించారు. ”నేను కొట్టినట్లు చేస్తా… నువ్వు ఏడ్చినట్లు చేయి అనే ఒప్పందమా? కుమ్మక్కు రాజకీయంలో ఇదో రహస్యమా? రేవంత్ – అదానీలతో వ్యాపార బంధమా? అదానీ, అంబానీలపై మీ పోరాటం ఓ భూటకం.. తెలంగాణకు కాంగ్రెస్ తరతరాల దరిద్రం..” అని మండిపడ్డారు.
Rahul Gandhi,Congress Party,Telangana,Ambani,Adani,Fake Fight,KTR,BRS,Kodangal,Lagacharla,Pharma Industry
