https://www.teluguglobal.com/h-upload/2025/01/02/1390944-cmr-college.webp
2025-01-02 07:36:12.0
బాత్‌రూమ్‌లో ఉన్నప్పుడు వీడియోలు తీస్తున్నారని యువతుల ఆరోపణ.. కేసు నమోదు చేసిన పోలీసులు
సీఎంఆర్‌ కాలేజీ హాస్టల్‌లో వీడియోల రికార్డింగ్‌ కలకలం సృష్టించింది. హాస్టల్‌ బాత్‌రూమ్‌ వెంటిలేటర్‌పై చేతిగుర్తులు లభించాయి. బైటి నుంచి కెమెరా పెట్టినట్లుగా అద్దంపై గుర్తులు కూడా లభించాయి. రాత్రి ఒంటిగంటకు ఓ విద్యార్థిని కెమెరాను గుర్తించింది. రెండుమూడు చోట్ల కెమెరాలు పెట్టినట్లు అనుమానం వ్యక్తం చేస్తున్నారు. బాత్‌రూమ్‌లో ఉన్నప్పుడు వీడియోలు తీస్తున్నారని యువతులు ఆరోపిస్తున్నారు. విద్యార్థినులకు మద్దతుగా విద్యార్థి సంగాలు అర్ధరాత్రి 2 గంటల వరకు ఆందోళన కొనసాగించాయి.
ఈ ఘటన సమాచారం అందుకున్న ఏసీపీ, సీఐ సీఎంఆర్‌ కాలేజీ హాస్టల్‌కు చేరుకున్నారు. చర్యలు తీసుకుంటామని సీఐ హామీతో విద్యార్థి సంఘాలు ఆందోళన విరమించాయి. విద్యార్థుల ఫిర్యాదు మేరకు మేడ్చల్‌ పోలీసులు కేసు నమోదు చేశారు. ఈ కేసులో మేడ్చల్‌ పోలీసులు ఐదుగురిని అదుపులోకి తీసుకున్నారు.
CMR Engineering College Incident,Medchal,Students Protest,Students Union,Recording of videos,Secret filming
