2023-08-23 03:27:58.0
https://www.teluguglobal.com/h-upload/2023/08/23/814089-mithimirina.webp
మితిమీరిన ఖర్చు…
పేదరికం పాలు చేస్తుంది.
మితిమీరిన పొదుపు…
కష్టాల పాలు చేస్తుంది.
మితిమీరిన సంపాదన…
మనశ్శాంతిని లేకుండా చేస్తుంది.
మితిమీరిన కర్తవ్యం…
అగచాట్ల పాలు చేస్తుంది.
మితిమీరిన క్రమ శిక్షణ…
రక్త సంబధీకులను దూరం చేస్తుంది.
మితిమీరిన బాధ్యతలు…
అప్పుల పాలు చేస్తుంది.
మితిమీరిన హాస్యం…
నవ్వుల పాలు చేస్తుంది
మితిమీరిన కోపం…
శతృవులను వృద్ధి చేస్తుంది.
మితిమీరిన ఆలోచనలు…
జీవితాన్ని దుర్భరం చేస్తుంది.
మితిమీరిన వ్యసనాలు…
అప మృత్యు పాలు చేస్తుంది
మితిమీరిన స్వార్ధం…
అందరినీ దూరం చేస్తుంది
మితిమీరిన పోటీ…
నష్టాల పాలు చేస్తుంది.
మితిమీరిన లాభార్జన…
వ్యాపార ఉనికికే మోసం తెస్తుంది .
మితిమీరిన వస్తూత్పత్తి…
నాణ్యతా ప్రమాణాల దెబ్బ తీస్తుంది.
మితిమీరిన గర్వాహంకారం…
ఆపదలు కొని తెస్తుంది.
మితిమీరిన అలంకారం…
వెగటు పుట్టిస్తుంది.
మితిమీరిన శృంగారం…
వైరాగ్యాన్ని కలిగిస్తుంది.
మితిమీరిన అధికార దాహం…
హత్యా రాజకీయాలను ప్రేరేపిస్తుంది.
మితిమీరిన త్యాగం…
కడగండ్ల పాలు చేస్తుంది.
మితిమీరిన వ్యావసాయకోత్పత్తి… భూమిని నిస్సారం చేస్తుంది.
మితిమీరిన జనాభా పెరుగుదల…
దేశ ప్రగతిని త్రొక్కేస్తుంది.
మితిమీరిన స్నేహాలు…
అభిప్రాయ భేదాలను సృష్టిస్తుంది.
మితిమీరిన గారాబం..
చెడు స్నేహాల పాలు చేస్తుంది.
మితిమీరిన వేదాంతం…
వెటకారం పాలు చేస్తుంది.
మితిమీరిన ఈర్ష్య అసూయాద్వేషాలు..
నిద్రా సుఖాన్ని దూరం చేస్తుంది.
మితిమీరిన భక్తి…
మూర్ఛల పాలు చేస్తుంది.
మితిమీరిన తీర్ధ యాత్రలు… నాస్తికత్వానికి నాంది పలుకుతుంది.
మితిమీరిన ఉపవాసాలు…
నిస్త్రాణతకు దారి తీస్తుంది.
మితిమీరిన ప్రేమ…
అనుమానాలకు దారి తీస్తుంది.
మితిమీరిన నమ్మకం..
ద్రోహానికి దోహదం చేస్తుంది.
మితిమీరిన విశ్వాసం…
లోకువ పాలు చేస్తుంది.
మితిమీరిన ఋణం…
మరణం పాలు చేస్తుంది.
మితిమీరిన అభిరుచి…
దుబారాకు దారి తీస్తుంది.
మితిమీరిన కీర్తి దాహం….
ఆదాయాన్ని మింగేస్తుంది
టూ మచ్ ఈజ్ టూ బ్యాడ్
-సుజ్ఞాని
Mithimirina,Telugu Kavithalu
