2024-05-12 17:43:41.0
https://www.teluguglobal.com/h-upload/2024/05/12/1327124-omg-1.webp
OMG Movie – ఓఎమ్జీ అంటే ఓ మై గాడ్ అని అంతా అనుకుంటారు. కానీ ఇక్కడ మాత్రం ‘ఓ మంచి గోస్ట్’ అని అర్థం.
హారర్, కామెడీ మిక్స్ చేసి తీస్తోన్న సినిమాలకు అన్ని వర్గాల ఆడియన్స్ నుంచి ఆదరణ లభిస్తోంది. ప్రస్తుతం హారర్, కామెడీ జానర్లలో వచ్చే చిత్రాలకు ఇటు ఓటీటీ, అటు థియేటర్లో మంచి డిమాండ్ ఏర్పడింది. ఇప్పుడు అదే ఫార్ములాతో ప్రేక్షకుల ముందుకు రాబోతోంది ఓఎమ్జీ (ఓ మంచి ఘోస్ట్) మూవీ.
హార్రర్ సన్నివేశాలకు హాస్యం జోడించి నేటితరం ఆడియన్స్ కనెక్ట్ అయ్యేలా సరికొత్తగా ఈ సినిమాను రూపొందిస్తున్నారు. మార్క్‌సెట్ నెట్‌వర్క్స్ బ్యానర్‌పై కామెడీ హార్రర్ సినిమాగా ఓ మంచి ఘోస్ట్ రానుంది. ఈ చిత్రంలో ప్రముఖ కమెడియన్ వెన్నెల కిషోర్, నందితా శ్వేత, షకలక శంకర్, నవమి గాయక్, నవీన్ నేని, రజత్ రాఘవ్, హాస్యనటుడు రఘుబాబు కీలక పాత్రల్లో నటిస్తుండగా.. శంకర్ మార్తాండ్ దర్శకత్వం వహించారు.
అనూప్ రూబెన్స్ సంగీతం అందించాడు. ఇప్పటికే ఈ చిత్రం నుంచి గ్లింప్స్ రిలీజైంది. ఇక తాజాగా రిలీజ్ చేసిన టీజర్ అయితే అందరినీ నవ్విస్తోంది. భయపెట్టిస్తోంది. ‘పూర్వ జన్మ జ్ఞానంతో మళ్లీ జన్మ ఎత్తే అవకాశం ఏ జీవికి కూడా ఉండదు.. దెయ్యాలకు మాత్రమే ఉంటుంది’ అనే డైలాగ్‌తో టీజర్ ఓపెన్ అయింది.
‘ఒసేయ్ నువ్వు అరుంధతికి అక్కవైనా.. చంద్రముఖి చెల్లివైనా.. కాశ్మోరా లవర్‌వైనా, కాంచన కజిన్‌వైనా’ అంటూ వెన్నెల కిషోర్ చేసే కామెడీ బాగుంది. ఇక ఘోస్ట్‌గా నందితా శ్వేతా అందరినీ భయపెట్టేలా ఉంది.
OMG,Horrer comedy,O Manchi Ghost
